13.11.2008 ж.

Елордалық үлескерлер кезекті қоныс тойын атап өтуде. Сол жағалаудың қақ ортасында «Новый мир» тұрғын үй кешенінің екінші ғимаратының кілттері табысталды. Жоба жеке инвесторлардың қаражатына тұрғызылған. Салтанатты рәсімді қала әкімі Иманғали Тасмағамбетов ашты.  Қала басшысы ипотекалық дағдарысқа ұшыраған пәтер иелерін көптен күткен мерекелерімен құттықтады. Себебі қоныс тойлаушылары өз баспаналарын белгіленген мерзімнен жарты жылға кеш алған. Дер кезінде келген мемлекеттік көмектің арқасында құрылыс салушы көп қабатты нысанды тұрғызды. «Астана-недвижимость» АҚ «Қазына» қоры бөлген қаржыны Еуразиялық банктың кредиттік желісі арқылы өз есебіне көшірді. Сондай-ақ компания қосымша қаржыны қазақстандық қор биржасынан тартты. Әкім ғимаратты сыртынан қарап, су жаңа пәтерлерге де көтерілді.